Tërheqja e papritur e Gerard Piquésë i habiti të gjithë. Zakonisht, nuk ndodh që një futbollist të varë këpucët në gozhdë në mes të sezonit, por rasti i qendërmbrojtësit të Barcelonës është i veçan-të dhe arsyet që e kanë shtyrë drejt këtij vendimi janë të shumta dhe jo thjesht sportive. Sigurisht që ndikim ka pasur edhe ndarja e papritur nga këngëtarja e famshme Shakira, me të cilën ka qenë i lidhur prej 12 vjetësh dhe ka dy djem. Pique është parë si “i keqi” dhe kësaj marrëdhënieeje të dështuar, madje është cilësuar edhe si “tradhtar”. Mirëpo një mik i futbollistit i ka dalë në mbrojtje, duke aluduar se ka qenë partnerja e tij ajo që e ka tradhtuar.
Bëhet fjalë për gazetarin Jordi Basté, i cili ruan një marrëdhënie të shkëlqyer me të. Në një prononcim për “El Nacionat.cat”, është shprehur: “Gerard Pique nuk ka folur për ndarjen e tij nga Shakira. Në tre muaj ai ka pranuar të jetë i keqi i filmit dhe derisa të mësojmë të gjitha detajet, nuk mund të flasim. Sepse në jetë gjithçka ka nuanca. Dhe disa do të jenë surprizë”, – ka rrëfyer ai.
Nuk e dimë saktësisht se cilat janë ato nuanca që mund të befasojnë, por Baste jep disa indikacione: “Ndoshta është e kundërta e asaj që është shpjeguar, veçanërisht ajo që i referohet jetës së tij personale”.
A mund të ketë qenë Shakira jobesnike ndaj Piquésë dhe kjo është arsyeja pse ai thotë se historia është treguar mbrapsht? Apo i referohet vendimit të kolumbianes për t’u larguar nga Spanja dhe të shkojë në Miami pa folur me Piquénë?
Gazetarja ka hapur “Kutinë e Pandorës” dhe mund të ketë shumë informacione të reja në ditët në vijim. Ndërkohë Pique do të ketë më shumë kohë për t’u fokusuar më shumë në kompanitë dhe bizneset e tij pas daljes në pension.
