Milanit i rikthehen hijet e së shkuarës. Entuziasmi i milionave të shpenzuara në merkato me transferime futbollistësh cilësorë u shoqërua edhe me një premtim nga drejtuesit e klubit, Milani do të rikthehet në ditët e veta më të mira. Gëzimi ishte i madh sepse u duk se për “Djallin” u mbyll një kapitull e do të hapej një tjetër. Mes tyre pati dhe nga që ishin skeptik për Milanin e ri qofshin këta mbështetës ose jo të kuqezinjve, se merkato voluminoze nuk do sillte diçka ndryshe. Pavarësisht kësaj, fillimi ishte ai që pritej, suksesi në turet e para të Europa League edhe pse përballë tyre u vendosën kundërshtarë lehtësisht të kalueshëm, përcolli një lloj euforie në radhët e “Djallit” se ky sezon i ri nuk do të kishte aspak lidhje me të kaluarën dhe se skuadra do ti rikthehej lavdisë e se do të ishte një rival i denjë në garën për titull kampion. Nga entuziasmi i fillim sezonit, tani më tek kriza e rezultateve.
Tingellon si një ëndërr e hidhur ku në harkun kohor të tre muajve nga një San Siro e tej mbushur me 65 mijë spektatorë të pranishëm në shkallët e stadiumit në sfidën ndaj Craiova e deri tek vërshëllimat e 20 mijë spektatorëve në takimin ndaj Aek-ut. Trendi gjithnjë e një zbritje ka bërë që situata të tensionohet disi, me javët që kalojnë me kundërshtarët që kanë nisur shkëputjen. Është ende hërët dhe ndoshta nuk mund të flitet për fajtorë, por sigurisht që përgjëgjësi në lidhje me gjëndjen që po kalon ekipi kanë pak a shumë një pjesë e mirë skuadrës, duke filluar që nga timonieri i Milanit, Vincenzo Montella, i cili e pranon se mungesa e rezultateve mund të ketë pasoja për të. Në skenë është shfaqur emri i një ishi, atij të Carlo Ancellotit si pasues i Montellës. Në bankën e të akuzuarave është vendosur dhe Leonardo Bonucci. Nuk janë të pakta gabimet e tij në repartin e prapavijës. Shumë larg Bonuccit pjesë e Juventusit në sezonin e kaluar dhe shumë pranë Bonuccit në ditët e tij të para tek bardhezinjtë, ku gafat ishin të shumta. Objektiviat e Milanit në fillim të sezonit ishin të siguronte një biletë për në Champions League e më pas në bazë të rezultateve pse jo të tentohej dhe titulli. Sot dëshira e kuqezinjve edhe pse jemi në mesin e tetorit duket një mision thuajse i pamundur.