Patrick Cutrone është heroi i Milanit, në këtë mbrëmje të gjatë të çerekfinales së Kupës së Italisë, në derbin ndaj Interit, Sulmuesi 19-vjeçar shënoi në minutën e 104’ golin e vetëm të takimit, duke i dhënë kuqezinjve kualifikimin për në fazën gjysmëfinale, ku do të gjejë përballë Lazion.
Nën reshjet e vazhdueshme të shiut, në ‘San Siro’ nuk mjaftuan 90 minuta për të përcaktuar skuadrën e kualifikuar, pasi të 2 skuadrat nuk arritën të finalizojnë, veçanërisht Interi, që shpërdoroi me Joao Marion mundësitë më të mira.
Në minutat shtesë, ishte pikërisht Cutrone, që lëvizi bukur në zonë dhe mori një pasim të zgjuar nga Suso, të cilin e dërgoi në rrjetën e Handanoviç dhe kualifikoi kuqezinjtë. Minutat e mbetura nuk sollën asnjë ndryshim, me zikaltrit e Spallettit që dukeshin të pafuqishëm për të shënuar në portën e Donnarummës së madh, Antonios.
Kronologjia e ndeshjes, minutë pas minute:
116′ – Borja Valero ndëshkohet pas protestave ndaj Guidës
111′ – Ndëshkohet Matias Vecino për zikaltrit, pas një faulli në dëm të Bonaventurës
104′ – Cutrone zhbllokon sfidën në fundin e shtesës së parë. Sulmuesi merr një pasim në limitet e pozicionit jashtë loje nga Suso dhe e dërgon në rrjetë
101′ – Largohet Antonio Candreva, për t’i bërë vend sulmuesit Eder
98′ – Sërish Candreva zbret bukur nga krahu dhe kalon 3 kundërshtarë, por kroson në duart e portierit të Milanit
97′ – Bonaventura tenton nga distanca, por topi devijohet në këndore
95′ – Candreva zbret mirë në krah, por krosimi i tij është i gabuar
– Starton koha shtesë, me reshjet e shiut që shoqërojnë sfidën që nga fillimi
– Përfundon 0-0 90-minutëshi i kohës së rregullt. Tani skuadrat do të duhet të luajnë një tjetër 30-minutësh, për të përcaktuar të kualifikuarën
– 4 minuta shtesë dhe shpresë për golin e kualifikimit
90′ – Suso ka një mundësi mjaft të mirë shënimi, por topi devijohet nga Ranochia në këndore
87′ – Tentativë nga distanca e Perisiç, por topi ndalet me vështirësi nga portieri i Milanit dhe largohet më pas nga Bonucci
81′ – Kundërsulm i shpejtë i Interit, por Perisiç shpërdoron teksa godet mbi kuadrat, ndërkohë që Icardi ishte i vetëm
79′ – Goditje mjaft e bukur e Susos, me Handanoviçin e dorëzuar, por topi përplaset në traversë
75′ – Mbaron ndeshja për Gagliardinin, që i lë vendin kroatit Brozoviç. Gattuso kryen edhe zëvendësimin e fundit, me Cutronen që merr vendin e Nikola Kaliniç, i dëmtuar
73′ – Gattuso kryen zëvendësimin e dytë. Locatelli i lë vendin turkut Calhanoglu
72′ – Skriniar ndëshkohet për një ndërhyrje të dyshimtë ndaj Kaliniç
67′ – Joao Mario largohet nga fusha për t’i bërë vend Borja Valeros. Portugezi humb një tjetër mundësi për të treguar se meriton një fanellë titullari
65′ – Grushtim jo i mirë i Handanoviç, por Bonaventura nuk arrin të dërgojë në rrjetë një top të artë
63′ – Kundërpërgjigjet menjëherë Suso, por vetëm rrjetë e jashtme
62′ – Vecino godet nga distanca, por pa problem për Donnarummën
60′ – Rasti më i mirë i ndeshjes, por Joao Mario shpërdoron teksa e përplas topin në trupin e Donnarummës, vetëm 3 metra nga porta
57′ – Mundësi e mirë e Milanit tani, me Bonaventurën që godet në hyrje të zonës, por mbi kuadrat
56′ – Zbritje e shpejtë e Interit, me Candrevën që kroson, por topi largohet në këndore nga Calabria
53′ – Abate nuk mund të vijojë lojën dhe i lë vendin Calabrias
52′ – Mundësi mjaft e mirë e Interit me Icardin, por del Donnarumma dhe largon topin në anësore
50′ – Abate merr ndihmën mjekësore. Calabria del në nxemje
46′ – Milani menjëherë agresiv, fiton këndoren ,por ekzekutimi ndalet për një faull në sulm të kroatit Kaliniç
– Pjesa e dytë starton nga këmbët e Kaliniç
45′ – 2 goditje nga këndi radhazi për Interin, të dyja të grushtuara nga portieri i Milanit, sollën edhe fundin e pjesës së parë në barazim pa gola.
41′ – Sërish Cancelo zbret bukur nga krahu dhe tenton pasimin, por mbyll edhe një herë Romagnoli
38′ – Cancelo zbret në krah dhe kroson, por topi dërgohet në këndore nga Romagnoli
37′ – Kessie tenton nga distanca, por goditja është shumë mbi kuadrat. Vërshëllehet nga tifozët e Milanit
35′ – Sërish vertikalizim për Icardin, por Donnarumma është më i shpejtë dhe grushton
33′ – Icardi tenton rrezikshëm me kokë, por topi kalon ngjitur me shtyllën
28′ – Suso hyn rrezikshëm në zonë dhe gjuan por ndal Handanoviç mrekullisht.
23′ – Inter shënon pas autogolit të Donnarumas së madh, por goli anulohet pas konsultës së gjyqtarit me VAR-in
20′ – Ndëshkohet edhe Biglia pas një fauli taktik ndaj Vecinos
18′ – Krosim nga e majta e Kessie dhe Bonaventura i shkon pranë golit me një gjuajtje me kokë, por Handanoviç grushton mrekullisht
16′ – Ndëshkohet Locatelli, për një simulim brenda zonës
9′ – Milan ka mundësi të mirë shënimi me një goditje mbi vijën e zonës por Suso godet keq dhe topi përplaset në mur. Në vijimin e aksionit, Ranochia devijon në këndore
5′ – Sërish Interi nga krahu, këtë herë me Candrevën, por Romagnoli devijon në këndore
2′ – Zikaltrit zbresin me Cancelon dhe Vecinon nga e djathta dhe fitojnë korrnen e parë
– Interi nis topin e parë me Icardin
Formacionet zyrtare:
19:45 – Dhomat e zhveshjes të Interit
È quasi tempo di #DerbyMilano!
Siete pronti #InterFans? #FORZAINTER ⚫️🔵#MilanInter #TIMCup pic.twitter.com/v1DvnAMZ5E
— Inter (@Inter) December 27, 2017
19:43 – Dhomat e zhveshjet të Milanit
4⃣ A quartet of pics from our Red and Black dressing room 📸
Only waiting for the boys now! ❤️⚫️
Lo spogliatoio rossonero in 4⃣scatti 📸
In attesa dei nostri ragazzi! ❤️⚫️#DerbyMilano #ForzaMilan pic.twitter.com/oqSXjwmvxo— AC Milan (@acmilan) December 27, 2017
