Milani do të përballet me Torinon në fazën e 1/8-ave të Kupës së Italisë, teksa dy trajnerët kanë ndarë mendjen edhe për formacionet që do të hedhin në fushë nga minuta e parë e sfidës që starton në orën 21:00 në ekranin e SuperSport.
Kështu Stefano Pioli ka ndryshuar skemë, duke preferuar rreshtimin 3-5-2 për kuqezinjtë, teksa bie në sy fakti që luan pa as një sulmues të mirëfilltë dhe ia ka besuar shënimin e golave, dy fantazistëve Brahim Diaz e De Ketelaere.
Nga ana tjetër, kroati Juric ka lënë sërish në stol dy shqiptarët, portierin Etrit Berisha dhe mbrojtësin Mërgim Vojvoda, duke u besuar nga fillimi 11-shes së titullarëve.
Formacionet zyrtare:
Milan:Tatarusanu; Kalulu, Gabbia, Tomori; Saelemaekers, Vranckx, Tonali, Pobega, Dest; Brahim Diaz, De Ketelaere.
Torino:Milinkovic-Savic; Djidji, Schuurs, Buongiorno; Singo, Ricci, Lukic, Rodriguez; Miranchuk, Vlasic; Sanabria.