Connect with us

Hi, what are you looking for?

Serie A

Milani bind në fushë, por Calhanoglu e Rebiç “i prishin gjumin” Piolit

Milani vijon të fitojë si në kampionat ashtu edhe në Europë dhe duket se gjithçka po shkon më së miri për kuqezinjtë, por trajneri Pioli nuk mund të jetë plotësisht i qetë, pasi nga infermieria nuk vijnë fort lajme të mira.

Kjo pasi dy prej titullarëve si Ante Rebic dhe Hakan Calhanoglu vijojnë të jenë të dëmtuar dhe tani është konfirmuar plotësisht mungesa e tyre si në sfidën e të hënës ndaj Romës, ashtu edhe ndaj Spartës së Pragës të enjten.

Kroati ka nisur të stërvitet i veçuar, por ndjen akoma dhimbje në bërrylin e dëmtuar në ndeshjen përballë Crotones më 4 tetor, ndërsa turku ka një kavilje të ënjtur dhe vijon të qëndrojë pushim, nën monitorimin e mjekëve.

Thënë ndryshe, Rebiç duket në rrugën e mbarë të rikuperimit, pasi shumë shpejt, ndoshta që nga ndeshja e fillimit të nëntorit ndaj Udineses, mund të jetë në dispozicion të Piolit, ndërsa Calhanoglu ka një shembje në kavilje dhe do të mungojë më gjatë.

Tekniku i Milanit pret me padurim rikuperimin e dy futbollistëve, pasi Rebiç me golat e tij dhe Calhanoglu me asistet e vrapimet pafund në fushën e lojës, janë një garanci më tepër për kuqezinjtë në rrugën drejt objektivave të tyre sezonale.

Në pritje të rikuperimit të tyre, mund të fërkojnë duart futbollistë si Rafael Leao e Ibrahim Diaz, të cilët do të kenë më shumë kohë në dispozicion për të treguar veten në fushë dhe për të fituar një vend titullari.

Lajme të tjera

Legjionarët

Moment i vështirë për Armando Brojën. Sulmuesi shqiptar mori ftesë nga Sylvinho për t’u grumbulluar me kuqezinjtë për miqësoret e muajit mars, por pavarësisht...

Kombëtare

Sulmi është reparti që i ka shtuar më së shumti telashet trajnerit Sylvinho në prag të Euroianit të Gjermanisë, pasi thuajse të gjithë futbollistët...

Kombëtare

Sylvinho publikoi sot listën e lojtarëve që do të përfaqësojnë kombëtaren shqiptare në dy miqësoret përballë Kilit dhe Suedisë. Të programuara për datat 22...

Legjionarët

Ernest Muçi ka shënuar golin e dytë me fanellën e Besiktas. Sulmuesi kuqezi shndërroi në gol një pasim të Milot Rashicës, i cili shërbeu...