Ciprien Tatarusanu pritet të largohet në fund të sezonit nga Milani, pasi i përfundon kontrata me kuqezinjtë dhe Maldini e Massara janë vënë në lëvizje për të gjetur një tjetër portier, i cili do të bëjë rezervën e francezit Mike Maignan.
Emri në krye të listës është ai i Marco Sportiellos, portier italian që është pjesë e Atalantës, por që do të jetë i lirë në fund të sezonit, pasi i skadon kontrata me bergamaskët dhe nuk ka ndërmend të rinovojë.
Maldini ka nisur kontaktet me agjentin e Sportiellos, Beppe Riso dhe synimi është që në janar të firmoset një parakontratë për të blinduar kuadratin për sezonin e ardhshëm, pa shpenzuar asnjë para.