Fiorentina dhe Milani dhuruan spektakël në “Arthemio Franchi”, ku në fund festuan kuqezinjtë, të cilët fituan 2-3, duke e ngushtuar në 6 pikë diferencën me Interin, që gjithsesi ka një sfidë më shumë për të zhvilluar, atë me Sassuolo të shtyrë për shkak të COVID-19.
Skuadra e Piolit reagoi me karakter pas asaj disfate të enjten e kaluar ndaj Manchester United, që e nxori jashtë Europa Leagues.
Zlatan Ibrahimovic zhbllokoi takimin në minutën e 9-të, pas një pasimi të zgjuar të Kjaer, por vetëm tetë minuta më vonë Pulgar ktheu baraspeshën me një ekzekutimi fantastik të një goditjeje të lirë, që përfundoi aty ku bashkohet pingulja me transversalen.
Në fillim të pjesës së dytë Ribery tregoi klasin e tij me një goditje të saktë brenda zonës për golin e 1-2, për të ardhur më pas te rrjeta e Brahim Diaz në zhvillimet e një këndoreje.
Golin që siguroi fitoren e “Djallit” e shënoi Hakan Calhanoglu, i shërbyer nga Kessie në minutën e 72-të.