Connect with us

Hi, what are you looking for?

Serie A

Milani funksionon edhe pa Zlatanin, “uragani’ Napoli shkatërron Genoan

Dy fitore në dy ndeshjet e para të Serisë A, që të dyja me rezultat 2-0. Milani e nisi në mënyrën e duhur sezonin dhe u jep një sinjal domethënës pretendentëve për titullit. Pas suksesit me Bolognan në “San Siro”, erdhi trepikëshi i radhës në fushën e Crotones. Në mungesë të Zlatan Ibrahimovicit, i izlouar pasi ka rezultuar pozitiv me COVID-19, për “Djallin” shënuan Kessie dhe blerja e freskët, Brahim Diaz. Mesfushori 23-vjeçar shndërroi në gol në shtesën e pjesës së parë një 11-metërsh të fituar nga Rebic (kryesori e konfirmoi edhe pasi u konsultua me sistemin VAR), ndërsa ish-sulmuesi i Realit realizoi golin e sigurisë 5 minuta pas startit të pjesës së dytë, me një devijim në zonën e portierit.

Me hapin e Milanit ecën edhe Napoli, që u shfaq si uragan në përballjen me Genoan në “San Paolo”, aty ku Elseid Hysaj u konfirmua alternativë e besueshme në krah të djathtë të mbrojtjes, me Gattuson që e aktivizoi titullar. Napolitanët fituan thellë me rezultat tenistik 6-0, duke e dominuar në çdo aspekt lojën. Spikati me dygolësh Lozano, ndërsa në listën e golashënuesve shënuan emrin edhe Zielinski, Mertens, Elmas dhe Politano.

Edhe pse ka shitur disa elementë kryesorë , si Rrahmanin dhe Kumbullën, Verona vazhdon të befasojë në Serinë A. Ekipi verdheblu fitoi 1-0 ndaj Udineses në “Bentegodi” me gol të Favillit në minutën e 57-të. Ekipi i drejtuar nga Juric ka marrë pikë të plota në dy ndeshjet e para të Serisë A.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...