Connect with us

Hi, what are you looking for?

Merkato

Milani hyn në garë për De Paul, ofron Hauge dhe Pobega në këmbim

Për t’u mbrojtur në rast largimi të Donnarummës, Milani ka bllokuar portierin francez të Lille, Maignan, megjithatë këtë verë nga kuqezinjtë mund të largohet edhe turku Hakan Calhanoglu, i cili gjithashtu nuk ka firmosur rinovimin e kontratës që i skadon në fund të sezonit.

Pikërisht për këtë arsye Maldini po punon për të afruar një tjetër fantazist dhe emri në krye të listës është ai i kapitenit të Udineses, Rodrigo De Paul, një futbollist që ndiqet me mjaft interes edhe nga Interi e Juventusi.

Për momentin bëhet fjalë për hapat e para të negociatave, pasi Udinese shpreson që në garë për argjentinasin të përfshihen sa më shumë klube, në mënyrë që të rritë sa më shumë çmimin e kartonit të tij.

Aktualisht klubi friulian ka vënë një çmim prej 40 milionë eurosh për De Paul, shifër që Milani synon ta ulë duke përfshirë në marrëveshje të rinj të talentuar si norvegjezi Hauge apo italiani Pobega, që ka bërë disa paraqitje të mira me fanellën e Spezias këtë sezon.

Vlen të theksohet se vitin e kaluar Udinese refuzoi shkëmbimin, duke pretenduar vetëm para kesh për kartonin e De Paul, megjithatë para se të nisë sulmin final, Milani duhet të sigurojë pjesëmarrjen në Champions, pasi vetë argjentinasi ka theksuar se do të largohet nga friulianët vetëm për të luajtur në kompeticionin më të rëndësishëm për klube.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...