Milani i Giampaolos “bie” që në javën e parë të Serisë A. Kuqezinjtë dolën pa pikë nga stadiumi “Dacia Arena” i Udines, pasi u mposhtën 1-0 nga Udinese.
Me dyshen Piatek-Castillejo në sulm dhe me Suson në rolin e trekuartistit, kuqezinjtë, përtej volumit të lojës, krijuan pak raste për shënim dhe në një moment shpërqendrimi në minutën e 72-të, në zhvillimet e një këndoreje, Beceo realizoi me kokë golin që u dha tri pikë friulanëve.
Giampaolo tentoi të ndryshonte rrjedhën e lojës me aktivizimet e Leaos dhe Bennacer, por pa rezultat, pasi Udinese u mbrojt shumë mirë, duke mos pësuar gol.
Në dy raste u desh ndërhyrja e sistemit VAR për të vlerësuar momentet e diskutueshme për 11-metërsh, një për çdo skuadër, por vendimi i gjyqtarit kryesor Pasqua ishte për vijimin e lojës.