Milani vuan shumë, por në fund arrin të avancojë në fazën e 1/8-ave të Europa League-s falë rëndësisë së golit në fushën kundërshtare. Kuqezinjtë barazuan 1-1 në “San Siro” me Crvena Zvezdan (shënuan Kessie 9’ me 11-metërsh dhe El Fardou Ben 24’), ndërsa në sfidën e parë 2-2. Edhe pse për më shumë se 25 minuta skuadra serbe luajti me një lojtar më pak, pas ndëshkimit me kartonin e dytë të verdhë të Gobeljic, ndeshja mbeti e hapur deri në sekondat e fundit, teksa vetëm vërshëllime e trefishtë e kryesorit çliroi “Djallin” nga ankthi.
Roma as që e vuri në diskutim kualifikimin përballë Bragës, të cilën e mposhti edhe në ndeshjen e kthimit në “Olimpico” me rezultatin 3-1. Për verdhekuqtë shënuan Edin Dzeko, Perez dhe Mayoral, ndërsa Pellegrini humbi 11-metërsh. Autolgoli i Cristantes thjesht vlejti për statistikë.
Çfarë dështimi për Bayer Leverkusen, që mposhtet për herë të dytë nga Young Boys, këtë herë 0-2. Për zvicëranët shënuan Siebatcheu dhe Fassnacht.
Dinamo e Kievit arrin të eliminojë Club Brugge, duke fituar 0-1 në fushën e skuadrës belge me golin e shënuar nga Buyalskyy.
Eliminim i turpshëm i Leicester City-t, që u mposht 0-2 nga Slavia e Pragës brenda në “King Power Stadium”, teksa sfida e parë ishte mbyllur pa gola. Për skuadrën çeke shënuan Provod dhe Sima.
Dinamos së Zagrebit I mjaftoi goli i Orsic për të eliminuar Krasnodarin, me sfidën e parë të zhvilluar në Rusi që kishte përfunduar 2-2.
Manchester United u kursye ndaj Real Sociadadit në “Old Trafford”, ku sfida u mbyll pa gola. Oyarzabal humbi 11-metërësh për ekipin spanjoll në pjesën e parë.
Del jashtë gare PSV Enidhoven, që fitoi 2-1 përballë Olympiacosit, por ky rezultat nuk mjaftoi për të të vijuar më tej, pasi skuadra greke kishte fituar 4-2 në takim e parë.
Rezultatet:
Milan – Crvena Zvezda 1-1
Roma – Braga 3-1
Bayer Leverkusen – Young Boys 0-2
Club Brugge – Dyn. Kyiv 0-1
- Zagreb – Krasnodar 1-0
Leicester – Slavia Prague 0-2
Manchester Utd – Real Sociedad 0-0
PSV – Olympiacos Piraeus 2-1