Milani bën detyrën mposht 2-0 rumunët e Universitateas së Craiovës dhe kualifikohet në fazën play-off të Europa League me rezultat të përgjithshëm 3-0 pas suksesit 1-0 në sfidën e parë. Në San Siro, Milani shfrytëzoi entuaziasmin e tifozëve që kishin mbushur shkallët e stadiumit për të regjistruar një tjetër fitore ndaj Craiovës. Përpara rreth 70 mijë tifozëve, pa emra të rëndësishëm të blerë në këtë merkato si Bonucci e Biglia të cilët nuk u përfshinë në listën e Europa League për turin e tretë, Milani i vendosi shumë shpejt fatet e kualifikimit. Në minutën e 9-t, Giacomo Bonaventura, përfitoi nga një dalje jo e mirë e portierit të Craivoës Calencea dhe përfitoi nga një top i mbetur në zonë duke goditur saktë për epërsinë e kuqezinjëve. Pavarsisht ndonjë përpjekje të skuadrës rumune, Milani ishte më lart se kundërshtari dhe iu afrua në disa raste golit të dytë të cilin e gjeti në fillimin e pjesës së dytë me sulmuesin e talentuar të dalë nga akademia e Milanit, Patrick Crutone i cili vulosi fitoren dhe kualifikimin e kuqezinjëve.
