Lajm shumë i keq për Milanin. Lucas Biglia regjisori i kuqezinjëve dhe njëkohësisht truri i mesfushës së Milanit nuk do të jetë në dispozicion të trajnerit Genaro Gattuso për 4 muajt e ardhshëm. Siç bën të ditur edhe vetë klubi kuqezi, mesfushori argjentinas i është nënshtruar një ndërhyrjeje kirurgjikale që do ta mbajë jashtë fushave të futbollit për 4 muajt e ardhshëm. Dëmtimi që pësoi në stërvitje disa ditë më para, rezultoi shumë më i rëndë sesa parashikohej për lojtarin me Biglian që do të humbasë një pjesë të madhe të këtij sezoni me Milanin duke bërë me dhimbje koke Gattuson që deri në janar duhet të gjejë te të humburit Bakayoko, Bertolacci, Montolivo e Mauri, zëvendësuesin e Biglias.
