Milani është rikthyer të stërvitet në shtëpi, pas kthimit nga Shtetet e Bashkuara të Amerikës, ku mori pjesë në International Champions Cup.
Trajneri Genaro Gattuso pati në dispozicion organikën e plotë, përfshi edhe dy blerjet më të reja, Gonzalo Higuain dhe Mattias Caldara.
Dy legjendat kuqezi, Leonardo dhe Paolo Maldini kanë qenë mysafirët specialë të stërvitjes së sotme, të cilët kanë vëzhguar me kujdes gjendjen e skuadrës, kur kanë mbetur rreth 10 ditë nga starti i kampionatit.
Natyrisht qëllimi primar ka qenë për të kuptuar bashkë me Gattuson, se ku është e nevojshme të ndërhyhet, duke qenë se koha ecën dhe merkatoja do të mbyllet më datë 17 Gusht.
Kujtojmë që Milani është shumë pranë mbylljes së marrëveshjes për huazimin e mesfushorit francez Bakayoko nga Chelsea, futbollist që do të plotësonte organikën dhe do të mbyllte merkaton.