“Ne e komplikuam lojën vetëm me golin e parë të pësuar. Mund të ishte zgjidhur shumë më herët, duke pasur parasysh prodhimin sulmues në krahasim me golat e shënuar.”-kështu e nisi deklaratën për mediet pas fitores 2-1 ndaj Midtjylland në Europa League, Maurizio Sarri.
Më tej i pyetur nëse mendon se Milinkovic-Savic është lojtari më i mirë i mesfushës në Seria A, tekniku iu kthyer gazetarit duke i kërkuar të mos ia thotë diçka të tillë lojtarit.
“Milinkovic- Savic, mesfushori më i mirë i Seria A? Ju mund të mendoni kështu, por atij nuk i duhet thënë… Ta lëmë mënjanë shakanë, nuk i bëj kurrë shumë komplimente sepse gjithmonë kam ndjenjën se ai mund të bëjë edhe më shumë.”-deklaroi tekniku.