Kur kanë mbetur më pak se 60 minuta nga starti i ndeshjes miqësore mes Shqipërisë dhe Jordanisë, që do të luhet në “Elbasan Arena”, trajneri Panucci ka ndarë mendjen edhe për 11-shen e lojtarëve që do të hedhë në fushë.
Kështu në portë do të luajë Etrit Berisha, ndërsa tekniku u ka dhënë hapësirë lojtarëve si Mihaj, Ramadani, e Gavazaj, por edhe atyre që kanë luajtur shumë pak kohët e fundit, si Grezda, Mavraj, e Binaku.
Ndërkohë, vihet re një prezencë e vakët e tifozërisë kuqezi në shkallët e stadiumit, kjo e ndikuar si nga rëndësia e takimit, ashtu edhe nga emri i kundërshtarit.
Shqipëria: Berisha, Lila, Gjimshiti, Mavraj, Binaku, Xhaka, Mihaj, Ramadani, Gavazaj, Grezda, Manaj.
