Pas shkarkimit të Drejtorit Sportiv Gianluca Petrachi, Roma është vënë në kërkim të një tjetër titullari për këtë pozicion, ndërsa së fundi në skenë ka dalë emri i ish drejtuesit të Interit e Milanit, Massimiliano Mirabelli.
Megjithatë ky i fundit, në një intervistë të dhënë për radion “Kiss Kiss Napoli” ka hedhur poshtë mundësinë e marrjes së këtij posti te Roma, duke thënë se për momentin nuk janë kushtet dhe se nuk dëshiron të bëjë kukullën e të tjerëve.
“Unë e dua këtë punë dhe pranoj të jem titullar i detyrës që më ngarkohet. Roma nuk po kalon një moment aspak të mirë dhe unë nuk m und të shkoj atje për të bërë kukullën e të tjerëve, Në kushte të tjera do të shkoja edhe në këmbë, por tani nuk jam gati të marr një detyrë vetëm formalisht”, u shpreh Mirabelli.