Pas 2 afrimeve shumë cilësore nga Skënderbeu siç janë Bajram Jashanica dhe Nazmi Gripshi, Ballkani bën një tjetër lëvizje të rëndësishme duke rinovuar huazimin e sulmuesit Mirlind Daku. Skuadra nga Suhareka e cila e kishte në formë huazimi në gjysmën e dytë të sezonit të kaluar sulmuesin, ka arritur akordin me Osijek për zgjatjen e bashkëpunimit me Dakun. 22-vjeçari edhe në sezonin e ri do të jetë pjesë e “portokallinjëve” nga Suhareka pasi dy klubet kanë rinovuar periudhën e huazimit. Në sezonin 2019-2020, fillimisht Daku u aktivizua te Kukësi ndërsa në janar kaloi te skuadra nga Suhareka me të cilët shënoi 3 gola në pjesën e dytë të kampionatit. Në këtë merkato Ballkani ka realizuar 11 afrime.
