Nuk përbën më lajm që Ciro Immobile shënon gola. E ka kthyer në normalitet, festa e golit për “bomberin” e Lazios ështe shndërruar në rutinë. Edhe këtë sezon (si në gjashtë sezonet e fundit) ka arritur të marrë pjesë në 20 gola në Serinë A. Aktualisht numëron 18 gola dhe 2 asistime, aq sa Vlahovic, dhe konkurron me sulmuesit më të mirë në Europë. Tani, misioni i tij është të kualifikojë Lazion përballë Milanit në Kupën e Italisë.
Immobile ka një marrëdhënie të veçantë me stadiumin e Milanos. Ka shënuar gjashtë gola në gjashtë ndeshjet e fundit, duke llogaritur kampionatin dhe Kupën e Italisë. Që nga fillimi i vitit 2022, nuk i ka shënuar vetëm ndaj Atalantës. I shënoi Empolit, Interit, Salernitana (dygolësh), Udineses dhe Fiorentinës. Milani është i paralajmëruar. Kuqezinjtë i ka ndëshkuar 6 herë që kur veshi fanellën bardhekaltër. Misioni për të prekur gjysmëfinalet e Kupës së Italisë ka nisur, fituesi i Milan-Lazio do të sfidojë të kualifikuarën e çiftit Inter-Roma.
