Connect with us

Hi, what are you looking for?

Euro 2024

Mitaj pëlqehet nga Lazio, por transferimi varet nga Hysaj

“Mes surprizave të ndryshme të këtyre ditëve të para të Kampionatit Europian në Gjermani është sigurisht edhe Shqipëria e Sylvinhos.

Pas humbjes së ngushtë kundër Italisë në debutimin e tyre, “Shqiponjat” barazuan 2-2 dje ndaj Kroacisë dhe madje rrezikuan të fitonin në finale.” Kështu e nis shkrimin për perfomancën e kuqezinjve “tuttomercattoweb”, që kritikon për performancën Elseid Hysajn.

“Janë shfaqur shumë lojtarë, që nga Asani e deri te mbrojtësi i ri i krahut Mitaj, të cilin e pëlqen edhe Lazio. Ai që po vuan shumë është Elseid Hysaj, mbrojtës i krahut i bardhekaltërve, që po vazhdon me ritmin e sezonit që kaloi në Romë.

Shumë pasaktësi kishte edhe ndaj Kroacisë, ai ishte pasiv në goditjen e Kramaricit, që i kaloi mes këmbëve. Në autogolin e rezultatit të përkohshëm 2-1, ai u shfaq naiv në mbulimin e Budimirit, duke e lejuar sulmuesin e Osasunas të depërtonte thellë në zonën e rreptësisë.

Lexo edhe: 

Hysaj drejt largimit nga Lazio, pëlqehet Mitaj

I kërkuar shumë nga Sarri, pas tri vitesh si bardhekaltër, Hysaj mund të largohet nga Lazio. Ish-lojtari i Napolit ka edhe një vit të mbetur nga kontrata e tij me një pagë të majme prej rreth dy milionë eurosh neto në sezon. Hysaj paraqet një problem nga këndvështrimi i transferimeve, me Lazion që aktualisht nuk po mendon për zgjidhjen e kontratës. Ideja është të fitosh para dhe më pas të investosh në një mbrojtës të majtë të ri (Mitaj është shumë i pëlqyer), por për momentin nuk ka ardhur asnjë ofertë. Pa shitjen e një mbrojtësi të krahut, Lazio do të mbetet me katër mbrojtësit e krahut të disponueshëm sot. Është e vështirë të imagjinohet largimi i njërit prej Pellegrinit apo Marusic, për të vlerësuar pozicionin e Lazzarit.

Ai që largohet është Hysaj, por pa propozime zyrtare dhe me paraqitje zhgënjyese edhe në Europian do të jetë e vështirë të gjendet një destinacion i përshtatshëm për shkodranin.

 

 

Lajme të tjera

Kosovë

Aventurë e re për Arijanet Muric, portierin titullar të përfaqësueses së Kosovës. 25-vjeçari dardan do të jetë pjesë e Ipswichit në katër sezonet e...

Ligue 1

Joao Nevesit do të jetë goditja e madhe e PSG-së në mesfushë. Talenti portugez kërkohet me ngulm nga trajneri Luis Enrique. 19-vjeçari është pjesë...

La Liga

Pedri, ishte mungesa e madhe e Spanjës në ndeshjet më të rëndësishme të Euro 2024, me mesfushorin që u dëmtua pas një përplasje të...

Angli

Manchester United vazhdon të jetë aktiv në merkato dhe pas zyrtarizmit të sulmuesit Joshua Zirkzee, tashmë fokusi kryesor është kthyer në repartin e mbrojtjes....