Felipe Caicedo është njeriu i momentit te Lazio, pasi në harkun kohor të 3 ditëve, ka shënuar dy gola me shumë peshë, duke u dhënë 6 pikë të plota bardhekaltërve.
Sulmuesi ka qenë autori i golit të vetëm të takimit me Frosinonen, ndërsa vulosi edhe triumfin minimal 1-0 përballë Empolit, mbrëmjen e të enjtes, duke bërë që Inzaghi të mos “qajë” mungesën e Immobiles për shkak dëmtimi.
Caicedo është në një formë mjaft të mirë dhe me meritë ka fituar edhe një vend në formacionin e Lazios, ndërsa meritë për këtë sukses, duket se ka edhe bashkëshortja e tij, bukuroshja spanjolle Maria Garcia.
Me ish-modelen spanjolle Caicedo është njohur në 2010-ën rastësisht në një restorant në Valencia, periudhë në të cilën ekuadoriani luante për Levanten. Që prej asaj kohe ata nuk janë ndarë më dhe në 2015-ën konkretizuan lidhjen e tyre në martesë.
Sulmuesi i Lazios dhe ish-modelja spanjolle e cila tashmë punon si agjente sërish në fushën e modës, kanë një vajzë së bashku, vogëlushen 2-vjeçare Noa, ndërsa që të tre jetojnë në kryeqytetin italian.
