Reali i Madridit dështon të marrë fitoren në “Santiago Bernabeu” përballë një skuadre modeste si Elche, madje ishte shumë pranë humbjes, pasi deri 8 minuta para fundit të kohës së rregullt po humbiste 0-2.
Një sfidë që shkoi keq për “Los Blancos” që me humbjen e një 11-metërshi nga Karim Benzema në minutën e 33-të, për të ardhur me pas te goli i Boye, që i dha epërsinë skuadrës mike në fundit e pjesës së parë.
Skuadra e Ancelottit, pavarësisht dominimit me lojë dhe raste, u trondit në minutën e 76-të kur Milla shënoi golin e dytë për Elchen, megjithatë në fundin e sfidës gjeti forca për të reaguar dhe shmangur një disfatë të rëndë. Luka Modric u tregua i saktë nga 11 metra largësi në minutën e 82-të, ndërsa në minutën e dytë shtesë Miliato kërceu mbi të tjerët në zonë pas krosimit të Vinicius Junior, duke barazuar rezultatin.
Reali vazhdon të kryesojë LaLigan me 50 pikë, por tashmë diferenca me Sevillan është vetëm 4 pikë.
