Connect with us

Hi, what are you looking for?

Ligue 1

Moment super për Rashanin, gjen golin e parë në Ligue 1. Feston edhe Kamberi në Zvicër

Elbasan Rashani vijon momentin e mirë të formës. Sulmuesi dardan realizoi gol në suksesin 5-1 të Kosovës përballë Qipros në Nations League, ndërkohë që sot ka gjetur rrugën e rrjetës me Clermontin në Ligue 1.

Skuadra e 29-vjeçarit fitoi 1-3 përballë Ajaccios së Qazim Laçit, i cili nuk u aktivizua për shkak dëmtimi. Rashani u fut në fushë në minutën e 63’ dhe një minutë përpara fundit realizoi golin e parë sezonal në kampionatin francez.

Clermonti shënoi edhe golin e tretë në minutat shtesë dhe është ngjitur përkohësisht në vend të nëntë. Feston edhe Florian Kamberi në Zvicër. Sulmuesi shqiptar la shenjën e tij në suksesin 1-3 që Winterthur arriti në fushën e Sionit.

Goli i Mario Balotellit nuk i mjaftoi ekipit vendas, ndërkohë që 27-vjeçari Kamberi, i cili është grumbulluar por nuk ka debutuar me kombëtaren shqiptare, erdhi nga stoli (69’) dhe shënoi golin e qetësisë për ekipin e tij në minutat shtesë.

Kjo ishte fitorja e parë sezonale për Winterthurin, ndërkohë që Kamberi gjeti golin e parë sezonal në elitën e futbollit zviceran. Feston edhe Alban Ajdini në divizionin e dytë të futbollit helvet.

Ish-sulmuesi i Kosovës U21 i dhuroi fitoren Lausanne Ouchy në fusnën e Vaduzit me dy golat e tij, duke u ngjitur në shifrën e pesë golave sezonalë.

Fitore dhe karton i kuq në Turqi për David Domgjonin. Qendërmbrojtësi nga Prizreni la Manisa FK me dhjetë lojtarë pas daljes me të kuq në minutën e 73’, por ekipi ku është transferuar edhe Eros Grezda, ia doli të merrte pikët maksimale pas triumfit 3-2 ndaj Adanasporit.

Ndërkohë, Arlind Sejdiu, i cili vitin e kaluar debutoi me Kosovën U21, ka shënuar golin e parë në Finlandë. 21-vjeçari ishte autori i golit të vetëm të Lahtit në humbjen 2-1 në fushën e AC Oulu.

Lajme të tjera

Kategoria Superiore

Xhuliano Skuka nis aventurën e re në Francë, ku do të jetë pjesë e Metz. Sulmuesi dibran kaloi me sukses testet mjekësore mëngjesin e...

Kategoria Superiore

Big Brother Mania edhe në mbrëmjen gala “Më të mirët 2022”, që organizohet nga FSHF dhe Digitalb, dhe që po transmetohet në SportNews, teksa...

Premier League

Dëmtimi i Virgil Van Dijk është padyshim një lajm i keq për Jurgen Klopp, që sheh Liverpoolin e tij këtë sezon, shumë larg formës...

Francë

Transferimi i Xhuliano Skukës te Metz ishte padyshim më i bujshmi i këtyre viteve të fundit. Më i shtrenjti në historinë e kampionatit shqiptar....