Ka mjaftuar një gol i Gelson Martins në fillim të takimit, që Monaco të marrë një tjetër fitore dhe të dalë nga zona e rënies, pas shumë javëve që militon aty.
Skuadra e Principatës franceze duket se ka rigjetur qetësinë me rikthimin në stol të Leonardo Jardim, pasi ka grumbulluar 7 pikë në 3 javët e fundit, duke shkuar në kuotën e 24 pikëve.
Fitore mori edhe Olympique Marseille, që mposhti Amiensin me rezultatin 2-0, falë golave të shënuar nga Ocampos dhe Balotelli.
Ky rezultat çon skuadrën e drejtuar nga Rudy Garsia në vendin e katërt të renditjes, ndërsa Balotelli rigjen marrëdhënien e mirë me golat, pasi shënon në takimin e tretë radhazi.
