Monaco e fillon në mënyrën më të keqe edhe sezonin 2019-2020 duke lënë një shije të hidhur te tifozët e saj ashtu siç bëri gjatë gjithë sezonit të kaluar. Lyon fitoi 0-3 brenda në Principatë në sfidën që i dha start sezonit të ri të Ligue 1. Një fitore e thjeshtë për OL që u lehtësua edhe nga dalja me karton të kuq e Fabregas në minutën e 30-të. Fillimisht shënoi Dembele kur numri i lojtarëve në fushë i barabartë në të dyja ekipet. Më pas Depay dyfishoi rezultatin në favor të skuadrës së Sylvinhos që debutoi me Lyonin në këtë takim, ndërkohë që Tousart në minutën e 80-të vulosi suksesin 0-3 të Lyonit në këtë sfidë dhe 3 pikët e para në këtë sezon.
