Besiktasi hodhi një hap të sigurtë drejt kualifikimit në raundin e 1/16-ave të Champions League pasi barazoi 1-1 ndaj Monacos në Stamboll duke pakësuar gjithnjë më shumë shanset e klubit nga Principata për t’u kualifikuar në fazën tjetër. Mesa duket aventura e Monacos skuadrës që sezonin e kaluar avancoi deri në fazën e 4 më të mirave të Championsit do të përfundojë që në grupe. Pas 3 fitoreve ky ishte barazimi i parë për Besiktasin në grupin G me skuadrën turke që kryeson në kuotën e 10 pikëve. Në fundin e pjesës së parë Rony Lopes kaloi në avantazh Monacon por kur kishin kaluar 9 minuta nga fillimi i fraksionit të dytë Cenk Tosun kthehu në gol një 11-metërsh duke barazuar shifrat.
