Tjetër dëmtim për taletin e Monacos, Pietro Pellegri. Sulmuesi 17-vjeçar ka pësuar një dëmtim muskulor, që do ta mbajë larg fushave të lojës për një kohë të papërcaktuar. Futbollisti ka nisur menjëherë vizitat e detajuara mjekësore dhe më pas do t’i nënshtrohet fazës së rikuperimit. Gjithsesi për momentin nuk bëhet e ditur koha e rikthimit të futbollistit në dispozicion të trajnerit Leonardo Jardim. Italiani u transferua në principatë gjatë merkatos së verës, pasi u transferua nga Genoa për shumën e 25 milionë Eurove.
