Klubi francez i Monacos ka vendosur të bëjë Pazar në Milano këtë verë, teksa ka piketuar 3 futbollistë të Interit dhe do të tentojë t’i transferojë në ditët në vijim.
Drejtuesit e klubit të Principatës franceze kanë shprehur interes për mesfushorin portugez Joao Mario dhe mbrojtësit brazilianë Dalbert dhe Miranda, të 3 emra që nuk bëjnë pjesë në planet e Antonio Contes.
Në ditët e fundit të korrikut pritet të mbërrijnë në Milano disa përfaqësues të klubit francez, të cilët do të negociojnë për çmimin e 3 futbollistëve, teksa sipas mediave italiane, Interi synon të arkëtojë 45 milionë euro në total për ta.
Aktualisht Joao Mario dhe Dalbert kanë dhënë miratimin paraprak për një kalim te Monaco, ndërsa e paqartë është situata e brazilianit Miranda, i cili është ende me pushime dhe pritet të kthehet te Interi, para se të vendosë për të ardhmen.