Me një drejtues si Monchi, te Roma priten goditje edhe në merkaton e dimrit. Drejtori sportiv i verdhekuqve ka mbetur i impresionuar nga mbrojtësi Gian Marco Ferrari, i cili ka zëvendësuar në mënyrë të denjë Acerbin te Sassuolo. 24-vjeçari ka qenë titullar i padiskutueshëm, madje ka shënuar edhe 3 gola këtë sezon dhe për momentin ka një vlerë rreth 12 milionë euro. Dëshira e Monchit është të sigurojë kartonin e Ferrarit dhe ta lërë te ekipi aktual deri në verën e ardhshme, por për mbrojtësin ka edhe konkurrencë, pasi ndiqet nga Sevilla, Zenit dhe Marseille.