Në shtëpinë e Milanit rikthehet qetësia falë fitores bindëse 1-4 në “Bentegodi” ndaj Chievos, ndërsa trajneri Montellla largon të paktën për momentin kritikat dhe “hijet” e shkarkimit nga detyra para superpërballjes me Juventusin.
“Ishtë një sukses i arritur me forcë dhe bindje, por shkëndijën e vërtetë e dua kundër Juventusit. Kemi zhvilluar lojëra të mira edhe në takimet e tjera, por na ka munguar vetëm fitorja. Jam shumë i kënaqur që djemtë arritën ta shpalosnin të gjithë talentit e tyre, duke hequr presionin.”
Në Itali kanë nisur të ironizojnë me faktin se “kuqezinjtë” arritën të fitonin lehtësisht pa Leonardo Bonuccin në fushë, por Montella as që i vë në diskutim cilësitë e mbrojtësit.
“Ndoshta mund ta kritikojmë Bonuccin për ndonjë paraqitje të vecantë, por nëse fillojmë vëmë në diskutim cilësitë e tij si futbollist, më mirë le të ndërrojmë zanat.”