Remi Garde shkarkohet nga posti i trajnerit të Montreal Impact. Klubi kanadez, përmes një komunikate, njoftoi ndërprerjen e menjëhershme të bashkëpunimit me francezin, i cili paguan rezultatet e dobëta në sezonin e rregullt të Major League Soccer.
Montreal Impact është në pozitë të vështirë dhe rrezikon të mos kualifikohet në fazën play off, ndaj për ndeshjet e mbetura drejtuesit menduan të ndryshojnë stafin teknik, duke ia besuar stolin Wilmer Cabreras, i cili më parë ka drejtuar Houston Dynamo.