Alvaro Morata shënon golin e parë në La Liga me Atleticon e Madridit, skuadër të cilës iu bashkua në janar pasi u largua nga Chelsea.
Sulmuesi spanjoll e realizoi golin e parë në fitoren 2-0 ndaj Villarrealin në “Wanda Metropolitano”, rezultat që kthen diferencën prej 7 pikësh me Barcelonën, që një ditë më parë fitoi 2-4 në fushën e Sevillas.
“Nëndetësja e Verdhë” nuk u dorëzua për asnjë çast, madje bëri gjithçka kishte mundësi për të thyer mbrojtjen hermetike të “Los Colchoneros”, por dy minuta para përfundimit të kohës së rregullt Saul, i shërbyer nga Diego Costa, kaloi me një parabël portierin për golin e dytë, që shuajti shpresat e Vellarrealit për të marrë pikë në këtë fushë të vështirë.
