Tani është zyrtare: Alvaro Morata është përsëri një lojtar i Juventusit. Spanjolli kthehet të veshë fanellën bardhezi katër vjet pas largimit. Sulmuesi 28-vjeçar zbarkoi në aeroportin “Caselle”, i shoqëruar nga e gjithë familja, me një fluturim privat pak pas mesnatës së të martës. Rreth orës 9:30 mbërriti i buzëqeshur në “J Medical”, ku iu nënshtrua ekzaminimeve mjekësore. Në mbrëmje nënshkroi kontratën pesëvjeçare me bardhezinjtë. Pak para mesnate erdhi deklarata zyrtare: “Asgjë nuk është më e bukur sesa të kthehesh në shtëpi. Sepse ardhja e Alvaro Moratas në Torino është një kthim në shtëpi”, – lexohet në shënimin e klubit. Siç pritej, ai do të veshë fanellën me numrin 9.
Morata i bashkohet Juventusit nga Atletico Madridi me formulën e huazimit për 10 milionë euro me të drejtën e blerjes e caktuar për 45 milionë, me dhe mundësinë e huazimit për një tjetër vit (në këtë rast Juvja do të paguante edhe 10 milionë të tjera për huazimin dhe 35 milionë për blerjen). Për t’u kthyer te “Zonja e Vjetër” hoqi dorë nga paga e tij maksimale, duke zbritur nga 9 milionë në 5 milionë plus bonuset.
More memories ❤️
More victories 💪
More sound 🔊
More lights ✨ #MOREMORATA#LiveAhead pic.twitter.com/BvvNZc2IUW— JuventusFC 🇬🇧🇺🇸 (@juventusfcen) September 22, 2020