Massimo Moratti nuk do të jetë presidenti i ri i Federatës Italiane të Futbollit. Ish numri 1 i Interit ka refuzuar kategorisht ofertën që i kanë bërë presidentët e klubeve të Serisë A. Moratta ishte kandidatura e përzgjedhur nga liga italiane e futbollit por me refuzimin e tij, tashmë Agnelli, Preciozi dhe të tjerët duhet të propozojnë një tjetër për të qenë kandidaturë për marrjen e drejtimit të Federatës Italiane të Futbollit. Moratti nuk ishte bindur për të bërë një zgjedhje të tillë dhe në fund vendosi të lërë thatë presidentët e klubeve të Serisë A të cilët e shikonin si një opsion të shkëlqyer ish presidentin e Interit për drejtimin e Federatës pas largimit të Tavecchios.
