Pas barazimit 1-1 në transfertë ndaj Strasbourg, Paris Saint-Germain siguroi matematikisht titullin e 11-të në Ligue 1. Kryeqytetasit festuan pavarësisht se pengu më i madh tashmë prej disa sezonesh është triumfi europian. Gjithsesi, trajneri Christophe Galtier bëri thirrje që të vlerësohet edhe suksesi në kampionat, me teknikun që u shpreh se kampionati nuk është i lehtë duke marrë si shembull edhe Bundesligën aty ku Dortmund e humbi titullin në javën e fundit ndaj Bayern Munich.
“Nuk dua që të nënvlerësohet titulli, është i 11-ti në histori dhe duhet nderuar një arritje e tillë. duhet ta festojmë se e pamë në Bundesligë se nuk është aspak e lehtë të fitosh një kampionat. Në këtë moment, titullin ia dedikoj bashkëshortes, gjithashtu edhe drejtorit Luis Campos që humbi nënën para disa ditëve. Tani le të bëjmë disa bilance, të përgatitemi që sezonin e ardhshëm të jemi më të mirë.
Lexo edhe:
- Trajneri Sylvinho publikon listën për ndeshjet e qershorit, risi dhe rikthime nga braziliani
- VIDEO/ 11 tituj radhazi, Bayerni fiton më të bukurin! Dortmundi në lot
- Çudia te Bayerni, shkarkohen nga detyra Salihamidzic dhe Kahn, emërohet shefi i ri ekzekutiv
- VIDEO/ “Muri i Verdhë” e bën trajnerin e Dortmundit të shpërthejë në lot
E përsëris, ishte një sezon i komplikuar dhe titulli nuk është për t’u nënvlerësuar. Kam lexuar shumë lajme në media, por asnjë nuk është reflektuar në brendësi të skuadrës dhe nuk i afrohet asaj që kemi përjetuar gjatë një sezoni. E ardhmja? Sigurisht që dua të vazhdoj me PSG, kam dhënë gjithçka për skuadrën dhe jam i motivuar”, u shpreh Galtier.
