Sasa Kalajdzic është objektivi i Manchester United për sulmin. Klubi anglez humbi garën për sllovenin Sesko (do kalojë te Leipzig verën e ardhshme), teksa u tërhoq nga Arnautovic pas presionit të tifozëve.
Së fundmi po synohet sulmuesi austriak i Stuttgart, klub me të cilin Kalajdzic ka edhe një vit kontratë. 25-vjeçari ka shënuar 22 gola në dy sezonet e fundit në Bundesligën gjermane, ndërkohë që numëron 4 gola në 15 ndeshje me kombëtaren e Austrisë.
Ralf Rangnick, ish-trajneri i United, aktualisht trajneri i Austrisë, e këshilloi lojtarin shtatlartë të mos transferohet në “Old Trafford”. Për qendërsulmuesin ka pëlqim edhe nga Bayern Munchen e Borussia Dortmund.
Gjithsesi, mediet gjermane raportojnë se Kalajdzic nuk dëshiron të humbasë mundësinë e kalimit në Premier League dhe shpreson që të mbyllet me sukses operacioni i transferimit të tij tek ekipi i Ten Hag.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
