Kryendeshja e javës në kampionatin francez, mes Monaco dhe Paris Saint Germain nuk do të luhet mbrëmjen e sotme sipas programit, pasi është vendosur të shtyhet për një afat të papërcaktuar.
Shkak është bërë moti i keq, me reshje të shumta shiu, që ka pllakosur në principatën e Monacos ditët e fundit ,duke bërë të pamundur zhvillimin normal të takimit.
Vendimi është marrë nga Ministria e Brendshme e Principatës së Monacos, ndërsa në orët në vijim pritet një takim ku do vendoset data kur do rikuperohet ndeshja.
