Roma u mposht me rezultatin 0-1 nga Atalanta në “Olimpico”, teksa krahas ndeshjes, humbi edhe trajnerin Mourinho për takimin e radhës, që do të jetë ai ndaj Interit në “San Siro”.
Trajneri portugez u ndëshkua me karton të kuq dhe do të rikthehet në Milanon zikaltër si spektator, pasi nuk do të ketë mundësinë të ulet në stol ndaj skuadrës me të cilën shkroi historinë në 2010-ën.
Krahas Mourinhos, Roma rrezikon të udhëtojë drejt Milanos edhe pa dy elementë të tjerë të rëndësishëm si kapiteni Pellegrini dhe sulmuesi argjentinas Paulo Dybala.
Ky i fundit u dëmtua në nxehjen para ndeshjes me Atalantën, ndërsa Pellegrini doli më pasoja në fund të saj dhe vetë Mourinho tha se shpreson në rikuperimin e tyre, por në dy javë duket gjithçka e vështirë.
