Që prej periudhës kur u transferua në Manchester dhe u ul në stolin e Unitedit, Jose Mourinho vijon të banojë në një suitë hoteli, duke dërguar një faturë “të kripur” te klubi anglez.
As rinovimi i kontratës me “Djajtë e kuq” deri në vitin 2020 nuk e ka bindur Mourinhon që të gjejë një shtëpi për të jetuar në Manchester, ndërsa familja e tij vijon të banojë në Londër.
Mediat angleze raportojnë se Mou ka zgjedhur një suitë në hotel “Lowry”, e cila sipas çmimeve referenciale kushton rreth 684 euro në ditë, gjithmonë nëse ndaj portugezit nuk është aplikuar ndonjë skonto.
Vlen të theksohet se Mourinho banon në suitën e këtij hoteli prej 825 ditësh tashmë dhe në bazë të llogaritjeve, përveç një page të majme, klubi i Manchesterit ka paguar rreth 564 300 euro për strehimin e trajnerit.