Mourinho, Ancelotti, Zidane, Maldini, këta janë vetëm disa nga yjet e futbollit që do të jenë në Bordin e ri të Futbollit i cili do të mblidhet për herë të parë më 24 prill nga UEFA.
Është një organ konsultativ, i miratuar nga Komiteti Ekzekutiv i UEFA-s në mbledhjen e fundit në Lisbonë në fillim të muajit. Qëllimi është të jepet një zë institucional, por i pavarur për çështjet kyçe që lidhen me futbollin, duke përfshirë rregullat e reja të lojës, arbitrimin, orarin e ndeshjeve, zhvillimin e ekipeve elitare të të rinjve dhe shëndetin e lojtarëve.
Lexo edhe:
- Ten Hag: Sevilla kishte më shumë dëshirë e pasion se ne!
- Çudit trajneri i PSG-së: Po programoj skuadrën e sezonit të ardhshëm
- Allegri: I lumtur me kualifikimin, Sevilla-n prisja në gjysmëfinale dhe jo Man. UTD
- Sparta e Pragës përjashton futbollistin homoseksual, ja arsyeja
Një skuadër e ish-yjeve të futbollit dhe trajnerëve elitarë do të mblidhen në shtëpinë evropiane të futbollit të hënën më 24 prill për takimin inaugurues të Bordit të Futbollit të UEFA-s, në Nyon të Zvicrës.
Anëtarët e bordit u zgjodhën në bazë të përvojës, rezultateve me klubet dhe ekipet kombëtare dhe reputacionin e tyre.
Bie në sy prania e ish-lojtarit të Realit, Gareth Bale, i cili lajmëroi tërheqjen e tij pas Botërorit të Katarit, gjithsej 24 personalitete të futbollit përbëjnë këtë trup të ri.
Drejtori teknik i UEFA-s, Zvonimir Boban, do të kryesojë mbledhjen e mbështetur nga zëvendëssekretari i përgjithshëm i UEFA-s Giorgio Marchetti dhe shefi i arbitrave Roberto Rosetti.
Axhenda e takimit të parë përfshin diskutime mbi çështje që lidhen me arbitrimin, VAR-in dhe sjelljen e lojtarëve, si dhe çështjet e konkurrencës dhe shëndetin e lojtarëve.
