Edhe Jose Mourinho ka komentuar situatën e skuadrës së tij, në prag të derbit të Manchesterit. Portugezi vlerësoi gjendjen e ekipit dhe përmirësimin në krahasim me një vit më parë, por evidentoi të njëjtën gjë edhe te kundërshtarët.
“Jemi stërvitur mirë dhe futbollistët janë të gatshëm të përballojnë derbin. Në krahasim me vitin e kaluar, jemi përmirësuar ndjeshëm, por e njëjta gjë vlen edhe për kundërshtarët tanë”, tha Mourinho.
Portugezi vlerësoi derbin e qytetit, si një nga takimet më të rëndësishme, por theksoi se edhe kjo ndeshje vlen vetëm 3 pikë, si të tjerat.
“Derbi është gjithmonë një ndeshje special dhe ne duam ta fitojmë, pasi e luajmë në shtëpinë tonë. Ky takim i ka të 3 rezultatet brenda, por pavarësisht rëndësisë, në fund të fundit, vlen vetëm 3 pikë, ndaj pavarësisht fundit, nuk ka pse ta bëjmë dramë”, u shpreh trajneri i Manchester Unitedit.
Derbi i Manchesterit është planifikuar të luhet të dielën në orën 17:30, në ‘Old Trafford’, ndërsa do të transmetohet live në Supersport 1.