Ndonjëherë ndodh që kujtimet të kthehen duke krijuar një mal nostalgjie dhe, me sa duket, i përfshirë nga kujtimet e për një nga skuadrat e tij më të dashura, 56-vjeçari portugez, Jose Mourinho, i është vetofruar presidentit të Interit Zhang me ndërmjetësinë e ish- presidentit Massimo Moratti.
9 vjet pas fitores së trefishtë me Interin, ndoshta Mourinho ka dashur të kthehej në një ambient të ngrohtë për të, por përgjigjja e drejtuesve aktualë zikaltër mësohet të ketë qenë e ftohtë, aq më shumë ajo e Marottas, që në rast të një lamtumire të nga trajneri Spalletti do të orientohej me të gjitha forcat drejt një tjetër emri si Antonio Contes.
Pas një bashkëpunimi trevjeçar tek Juventusi, marrëdhënia mes Marottas dhe Contes vijon të mbetet optimale, ndaj drejtuesi i Interit beson se ish-tekniku i Chelsea-t është kandidati i duhur për pasuar Spallettin. Në të njëjtën linjë mendimi duket të jetë edhe Zhang, që i ka lënë dorë të lirë administratorit të deleguar në vendimmarrje, përfshi edhe çështjen e stolit.
