Në një intervistë për mediat angleze, Jose Mourinho është ndalur të flasë edhe për Maurizio Sarrin, që prej pak ditësh ka marrë drejtimin e Chelseat. Portugezi ka pranaur se nuk e njeh Sarrin personalisht, por se e kishte ndjekur punën e tij te Napoli, gjatë sezoneve të fundit.
“Sarrin nuk e njoh personalisht, pasi kur isha te Interi, ai nuk stërviste në Serinë A. Gjithsesi e kam ndjekur Napolin e tij dhe mund të them se ka bërë një punë mjaft të mirë”, deklaroi portugezi.
Jose Mourinho ka drejtuar dy herë në periudha të ndryshme Chelsean dhe e njeh mjaft mirë ambientin londinez. Trajneri aktual i Manchester United shprehu bindjen se edhe Sarri do të arrijë të bëjë mirë me “blutë” e Londrës, ndërsa lavdëroi edhe Premier Leaguen.
“Kampionati anglez është më i forti në botë dhe të gjithë trajnerët e mëdhenj duan të vijnë këtu, të drejtojnë. Unë besoj se Sarri do të bëjë një punë mjaft të mirë te Chelsea dhe këtë e them bazuar edhe te organika që ka në dispozicion”, u shpreh Mourinho.