Nuk ndodh çdo ditë që Jose Mourinho t’u bëjë komplimenta gazetarëve për pyetjet e tyre. Ndodhi të mërkurën pas ndeshjes së Championsit Sevilla – Manchester United, që përfundoi në barazim 0-0.
Sapo gazetari i “BT Sport” i kërkoi një opinion për paraqitjen e futbollistit të ri, Scott McTominay, luzitani iu kthye me fjalët: “A mund të të përqafoj?
Gjatë konferencës për shtyp më pyetën vetëm për Pogbanë dhe jo për arsyet se pse zgjodha McTominay-n në vend të tij. Djaloshi luajti shumë mire, duke mbajtur në presion Banegan, praktikisht duke bllokuar të gjitha burimet e lojës për Sevillan,” – u shpreh Mou, sigurisht pasi e përqafoi gazetarin.
