Mesfushori i Interit, Marcelo Brozovic ka përfunduar në listën e dëshirave të trajnerit të Mnachester United, Jose Mourinho për merkaton e Janarit. 25-vjeçari konsiderohet si një nga alternativat kryesore për të përforcuar mesfushën e “djajve të kuq”. Për momentin nuk ka asgjë konkrete, pasi nga hapja e merkatos na ndan thuajse një muaj. Gjithsesi, klubi anglez ka kohën e mjaftushme për të përgatitur ofertën për kroatin.
Ndërkohë Kriza e Alex Sandros me Juventusin dhe dëshira e tij për t’u larguar nga bardhezinjtë ka shtyrë drejtuesit e “Zonjës së Vjetër”, të heqin nga lista e largimeve Kwadwo Asamoah. Klubi torinez ka nisur nga puna për rinovimin e kontratës me mbrojtësin 28-vjeçar, i cili, sipas mediave italiane, pritet të firmosë shumë shpejt kontratën e re.