Ndërkohë që Juventusi po përgatitet të luajë transfertën ndaj Atleticos së Madridit në “Wanda Metropolitana”, të vlefshme për fazën e 1/8-ave të Ligës së Kampionëve, ka ardhur edhe një opinion i Jose Mourinhos për këtë përballje.
Tekniku portugez, që ka një qëndrim armiqësor ndaj Juventusit, pasi ka qenë më herët trajner i Interit, ka analizuar përballjen e sotme, duke theksuar bardhezinjtë janë pretendentët kryesorë për Championsin, por mund edhe të eliminohen nga Atletico.
“Juventusi është skuadra pretendente për Ligën e Kampionëve këtë sezon dhe për më tepër, ka në ekip Ronaldon, një futbollist vendimtar në kompeticione të tilla. Megjithatë nuk do të surprizohesha aspak, nëse ata do të eliminoheshin nga Atletico, pasi kush njeh Simeonen, e di mirë që skuadrat e tij nuk dorëzohen lehtë”, tha Mourinho.