Connect with us

Hi, what are you looking for?

Premier League

Mourinhos i është sosur durimi, Pogba pranë largimit nga United

Jose Mourinho nuk shquhet për cilësitë e ndonjë murgu tibetian dhe si i tillë dhe durimi i portugezit ka një fund. Në këtë kontekst, aventurës së Paul Pogbasë i ka ardhur fundi, pasi tekniku e ka listuar francezin te lojtarët që do të largohen këtë verë nga klubi i “Old Trafford”.

Marrëdhëniet e Mourinhos me 25-vjeçarin kanë ardhur duke degraduar gjithnjë e më shumë këtë sezon, edhe pse francezi ishte blerja më e bujshme e klubit anglez që para dy vitesh pagoi shifrën e 89 milionë paundëve për kartonin e tij. Në 7 nga 11 ndeshjet e fundit të United Pogba është lënë në stol, siç ishte dhe rasti i fundit i humbjes në shtëpi ndaj West Brom.

Askush nuk e parashikoi në 2016-ën se rikthimi i lojtarit të formuar në akademinë e United pas aventurës me Juventusin do të rezultonte i dështuar. Gjithsesi, duhet thënë se vetë Pogba ka bërë maksimumin për t’iu përshtatur regjimit dhe stilit të Mourinhos, por nuk ka arritur të gjejë hapësirën dhe përformancën e njeriut të ndeshjes.

Shihet me dyshim aktivizimi i tij edhe në ndeshjen më të rëndësishme të sezonit për United, atë me Tottenhamin në gjysmëfinalet e FA Cup të shtunën. Pogba është në listën e atyre që projektohen për t’u larguar këtë verë, ku përfshihen edhe emrat e Anthony Martial, Matteo Darmian dhe Daley Blind.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...