José Mourinho merr një lajm të mirë për finalen e “Air Albanias”, përballë Feyenoordit, në Conference League. Trajneri portugez me shumë mundësi do të ketë nën urdhrat e tij për këtë sfidë përmbyllëse të sezonit për verdhekuqtë dy emra të rëndësishëm: Spinazzolan dhe Mkhitaryan.
Prej disa javësh, trajneri portugez ka thirrur Leonardo Spinazzolan, i cili nuk ka dalë në fushë që Europiani i viit të kaluar, ku pësoi një dëmtim të rëndë. Ndaj Bolognas qëndroi në stol, por për të mund të ketë minuta në ndeshjet e fundit të kampionatit që të jetë më në formë për finalen e Tiranës.
Mourinho mund të rikuperojë edhe Henrikh Mkhitaryan. Të dy do të jenë në dispozicion të Portugezit për ndeshjen kundër Feyenoordit. Janë elementë të rëndësishëm në një ndeshje që mund të fusë Romën në histori si klubi i parë që triumfon në kompeticionin më të ri europian.
