Bayern Munchen fitoi 0-4 përballë Koln ditën e djeshme, duke marrë suksesin e parë në vitin 2020. Thomas Muller nuk e gjeti golin, por dhuroi dy asiste për Robert Lewandowskin, autor i një triplete.
Me dy pasimet e dhuruara për bomberin polak, Muller është ngjitur në kuotën e 150 asisteve në Bundesligë prej vitit 2008, kur debutoi si futbollist profesionist me ekipin bavarez.
Më mirë se 32-vjeçari gjerman ka bërë vetëm Leo Messi, i cili numëron 180 asiste në La Liga dhe Ligue 1 me Barcelonën dhe PSG. Muller ndodhet në formë të mirë dhe vijon të shfaqet protagonist me Bayern Munchen.
Ekipi i Julian Nagelsmann kryeson kampionatin gjerman të futbollit me 46 pikë pas javës së 19-të, gjashtë më shumë se Dortmundi ndjekës.
