Aventura e Mateo Musacchio te Milani mund të mbyllet vetëm pas një sezoni. Mbrojtësi ndiqet nga Sevilla dhe Udinese, ndërkohë që së fundmi interes ka shfaqur edhe skuadra e Fulhamit, e ngjitur këtë sezon në elitën e futbollit anglez. Oferta e parë e tyre duket se është ajo e huazimit, ndërsa kuqezinjtë nuk do ta përjashtonin edhe një shitje përfundimtare të 28-vjeçarit. Musacchio u transferua vitin e kaluar nga Villarreali për 18 milionë euro, por asnjëherë nuk ishte zgjedhja e parë në formacion. Ai zhvilloi 22 takime në Serinë A, Kupën e Italisë dhe Europa League me fanellën kuqezi, ndërsa arriti të shënonte vetëm një gol.
